Tsertsa

Dichonéo

Contenù di site

Multimédià

Teste eun patoué

Documàn

Lo Patoué - Lenva di queue

Lo Patoué : lenva ou dialette ?

Lo Patoué - lenva di queur

(patouè de Veullanoua)

La lenva eumpléyéte pe le Valdotèn, pe le Chouisse romàn, pe le Savoyar é pe le populachón de serten-e valode di Piémón ossidantal, l'è reustéte pe de sièclle, é l'è euncò, belle se eun mezeua pi limitéte, lo patouè. Heutta lenva l'è euncò i dzor de vouì lo pi for élémàn idantitéo, lo fi rodzo que lla le comunitó que son itor di Mon Blan.

Soèn, lo terme « patoué » l'è vin-i sinonime de dialette, de lenva vernaculéa, belle se l'è an lenva a plen titre, avouì de caratéreusteuque spésefeuque. La parolla, que l'a la mima étimolojì de la parolla « patta », eundeuque eungn effè, a l'orijine, eun prédjé boutro, rural, prèdjà pe an populachón pocca nombreuza, pocca sivilizéte é djedjéte eunférieura pe rappor a halla que eumplèye la lenva couranta.

Pe heutta rèizón, eun Val d'Ousta, a partì di-z-àn '70, avouì la nisanse de l'Harpitanya (mouvemèn que l'a, comme but, hi de reconstitué la viille patriye di francoprovansal), sertèn l'an propouzó d'otre non, comme valdotèn, arpitàn (lenva di-z-Alpe), grayèn (lenva di-z-alpe Graies) ou, euncò, francoprovansal, surtoù eumpléyà pe le-z-espèe. Heutte variante l'an po aù de sussè : la parolla « patouè » l'a perdù ara son signifià négatif. Pe le patouazàn l'a pomì an significachón péjorativa mi, i contréo, l'a prèi eun signifià affettif, l'è la « lenva di queur » di Valdotèn. Le jénérachón que no-z-àn présédó l'an todzor prèdjà patouè é no no contenuèn a prédjé patouè !

Deun seutta séchón

Orijine istouére particularitò patoué
Orijine é istouére

Lo francoprovensal pou itre considéroù de fransé d'eun an faze bièn primitiva é arcaique que l'a refezoù sertèin-e innovachón orijinére di Nord.

Lli tot
Distribuchón jéografeucca

Lo basseun francoprovensal comprèn oueu trèi Ità é, pe so, l'è bièn diffienta politicamente é sensa le caratéreusteuque propre d'an nachón.

Lli tot
Perqué prédjé patoué
Pequé se prèdze patoué ?

L'época féodala l'a consacroù l'ézistanse de seutta comunitoù euntre le frontchiye é la Mèizón di Savoué l'a pouzoù le fondemèn pe eungn Ità dominàn si dou versàn.

Lli tot
Variétò patoué
Prèdjì valdotèn

Caqueun l'a deut que eun Val d'Outa n'a tan de patoué comme de cllotchì : eungn effé, la variabilitoù leungueusteucca l'è bièn marcaye.

Lli tot
Atlas di patoué valdotèn

L'inisiativa l'iye itaye proupozéye pe lo Centre d'Etudes Francoprovençales que loujè réalizì eungn'euvra siantefeucca de groussa eumportanse.

Lli tot
Lo dzargo

Dicouvrade lo langadzo partiqueillì di sabotì é di ressàn d'Ayas é di rapatsafiaou de Sen-Dzordzo.

Lli tot
Vitalitò patoué
Ardeue di patoué

"La Val d'Ousta reste la seulla groussa réjón de l'ére francoprovensala iaou le patoué pourrèn vivre euncó pe tan de-z-àn..."

Lli tot
Bibliografì patoué
Bibliografia

La bibliografia di Gnalèi propouze an lista de vocabuléro, de livro, d'articllo é de revuye consernàn lo francoprovensal.

Lli tot

Si site permè de vo mandér d'atre «cookies» (témouèn de connéchón). Se vo asétade l'utilizachón di «cookies» cliccade su OK, se vo vouléde pi d'eunformachón ou vo vouléde refezé, alléde a la padze di-z-eunformachón.

Padze d'eunformachón