Dzournó Eunternachonala de la Lenva Maternella 2016

21 février 2016

(patouè de Velanoua)

Prédjé a coutcheun deun an lenva que comprèn no permè d'aréé a se hervalle ; lèi prédjé deun sa lenva maternella no permè d'aréé a son queur.
Nelson Mandela

Dèi l'an 1999, tcheu le-z-àn lo 21 févrì se fihe la Dzournó Eunternachonala de la Lenva Maternella, vouluya pe l'UNESCO. Lo dzor cherdù l'ou rapelé l'eunsuréchón, l'an 1952, di-z-étudiàn de l'Universitó de Dacca, pe se vire recougnuya leur lenva, lo bengalèise, contre l'eumpouzichón de la lenva ourdou.

Avouì l'eunstituchón de heutta dzournó, l'UNESCO l'ou sostchan-ì la diversitó leungueusteucca é queulterella é lo multileunguisme, deun le convinchón que an queulteua de la pése l'è poussibla djeusto deun eun mondo ioi tsaqueun pou prédjé sa lenva.

Lo tème cherdù pe heutta XVIima édichón l'è « Éducachón de calitó, lenva(e) de l'eunsègnemèn é rezultrà pédagojique ».