• Aqueuille
  • Evénemèn
  • Espérons que … Speriamo che … : espozitsión so l’émigratsión tayana é valdouchtana

Espérons que … Speriamo che … : espozitsión so l’émigratsión tayana é valdouchtana

01 juillet / 17 septembre 2017 - Hospice du Petit-Saint-Bernard

(patoué dé Bretsón)

Dou 1ì dé jeyet tanque o 17 dé sétémbro, a l'Ospisse dou Piquió-Sen-Bernard, l'é iverta l'espozitsión Espérons que ... Speriamo che ...150 ans d'émigration italienne et valdôtaine en Pays de Savoie.

O parcours - organizà dou Comité des italiens à l'étranger des Pays de Savoie (COM.IT.ES) dé Chambéry é dé l'Assotchatsión dou Piquió-Sen-Bernard, én collaboratsión avó l'Assessorà dé l'éducatsión é da queulteurra da Réjón otonomma Val d'Ohta - l'é feut dé doe part.

A premira a prézénta l'ichtouére dé l'émigratsión tayana én Savouè, à travers le témouagnadjo dé y émigrà.

L'atra sétsión - beuttà én pi pé o Guichet linguistique Lo Gnalèi - a prèdja dé l'émigratsión valdouchtana é l'a comme titre « De part et d'autre du col - Une même civilisation et deux langues en commun ». Én choèn a véa dé cattro émigrà valdouchtàn, o parcours ou vot beutté én évidéntsa o fé que a Val d'Ohta é a Savouè l'an partadjà ouet siècle d'ichtouére, le méme léngue (o Fransé é o Patoué) é a méma queulteurra.

Infos :

l'Assessorà dé l'éducatsión é da queulteurra - Tél. 0165/363540-43386

l'Ospisse dou Piquió-Sen-Bernard - Tél. +33 6 62 19 19 76

Annexe