(patoué de Tsaensoù)
Dèi lo 2 tanque i 7 de désambre 2013, saré prézentaye la nouila édichón de Babel Film Festival a Cagliari. L'è lo premì concoù de sinéma eunternachonal iaou partesipon maque le-z-eumprèize que prodouèison de film si le minouritoù, eun partiqueillì salle leungueusteuque.
Pe la Val d'Ousta, maque comme euvra foua concoù, lèi saré lo film documantére Cahiers - piccole scuole di montagna in Valle d'Aosta, di réjiste Alessandro Stevanon.
La produchón de l'Asséssorà de l'éducachón é de la queulteua moutre, a traè le frantse vouése di-z-icouillì, sen que capite deun doe icoulle élémantére, salla de Rima é salla de Gressoney-La-Trinité.
Eun acoutèn leue conte, veun foua l'imadze de doe petchoude icoulle de montagne que l'an pa maque eun role de formachón mi étó si de tegnì eunsemblo an communitoù é de mantin-ì l'idantitoù queulterella di llouà.
Eunformachón :