Lo pan ner

14 / 15 octobre 2017 - Vallé d'Aoste

(patoué dé Bretsón)

Apré o gro sutches da premira éditsión, torna co tseht'an a féhta transfrontaliéra Lo pan ner !

O 14 dé otobre 2017, le for di veladjo dé 50 quemeunne én Val d'Ohta - énsémbio a tsi dé moué dé queumeunne én Lombardie é én Val Poschiavo én Chouisse - béttéràn couére le traditsionél pan ner, feut dé fareunna dé bià é dé fromèn, dé pan qu'i y iron l'idéal pé le faméye d'un co qu'i sobraon solette pé teut l'ivér.

Tsa manifechtasión, donca, a fèi torné vichque eunna vièya cohtuma qu'a torné o souvénì da véa communotére, dé o piéjì dé ichtè énsémbio, ma co da queulteurra d'un co.

Pé tsen, comme l'an pasà, o patoué sarà prézèn, én calétà dé élémèn fondamental da queulteurra immatériéla da Val d'Ohta, eunna queulteurra qu'ou fa vardé, valorizé é miné avante.

Sont prévue moué dé initsiative. En particuyé, pé o premì co, o peblècco ou porat cogniche un piquiot échtré dé l'énorme matériél qu'ou vièn dou travai dé rétchertcha dé l'Atlas des Patois Valdotains.

Manqueu pa  !

Pé cogniche o programma détayà dé y initsiative, vejeutteu o sito http://www.lopanner.com/2017vda/