(patoué de Tsaensoù)
Di 5 de jeillet tanque i 31 de out 2014, ivréré l'espozechón Au travers des siècles et des régions: La littérature francoprovençale i Muzé Cerlogne de Sen-Nicolà. Lo parcoù - aprestoù pe lo Centre d'Etudes francoprovençales « R. Willien » - l'è eun vouéadzo a traè l'espase é lo ten pe cougnitre la littérateua francoprovensala. L'è euna littérateua i mimo ten retse mi étó pocca cougnia que l'a trouoù son térrèn deun le diffièn janre littéreo.
Devendro 4 de jeillet, a 9 aoue di nite, n'aré la prézentachón offichella si la plase de l'Eillize de Sen-Nicolà. Deun seutta occajón le-z-atteue de la Fédérachon Valdoténa di téatro populéro propouzérèn eun dzen spéttacllo, reutso d'argumàn.