Patoué a l’écoula

(patoué di-z-Amaveulle)

Le premì 83 course facultatif de patoué sont itó fét deun le-z-écoule valdoténe lo lon de l'iforié 2013.

 An nouva leugne de penchiye guedde si projè : imajiné lo patoué pamì maque comme  lenva otoctone de la tradichón mi comme lenva de entégrachón é de enretsemèn pe la communotó é pe son patrimoane quelteel.

L'è l'écoula lo llouà d'éléchón iuei lo patoué pou rendre lo méllieui servicho i patrimoine quelteuel é leunguesteucco di dzoven-o.

Pe euncoadjé l'entéré é la motivachón di-z-écoullì, innovachón é créativitó llión la base di lesón di-z-énségnàn di course, de-z-éspèr eun francoprovansal que l'ant aù eunna formachón spesefeucca eun didatteucca di lenve.

La conta di ra, suppor didatteucco di course de seutta premìye espérimentachón l'è nèissù mersì a la collaborachón euntre l'Assessorà de l'éducachón é de la quelteua é l'artista di dessèn Altan.

Le partisipàn i projé pilote, donque le-z-écoullì de tcheut adzo de 36 istituchón valdoténe, l'an moutró d'itre reustó for satisfé de seutta opérachón. 

Avèitsade le contenù di séchón dediaye i projé !