(patoué de Tsaensoù)
GORRIS Vincent
Sen-Veunsèn 1895 - 1955
Peuntre, avouì eunna grousa pachón pe la letteua, pe le-z-oteue fransé é valdotèn eun particuillì, mascrave totta sa valeur euntellettuella dézó eunna naterella fourma de dzi modesta é seumpla.
Bramèn de correspondanse, que l'a publià deun le journal, l'an demoutroù son stile orijinel é sa forta personalitoù que l'a beuttoù deun se-z-eumpréchón é deun se-z-idoù.
Cougnì churtoù avouì le sermegnón Gévé, Bric, Briquet, l'a lèicha-no sa compozichón de poézie « Le notre clliotse » que prèdze de Sen-Veunsèn é de seu veladzo.
Vincent Gorris l'iye eungn ommo de queulteua é tiytì ; l'iye étó eungn ommo seumplo, onéto é avouì bramèn de bon sans. Vioù combattàn deun la Gran guéra, lamèye sensa lemite sa Grande Patrie é sa Petite Patrie.
1prèi de Le Pays d'Aoste, 1955 é di-z-eunfourmachón baillaye pe sa feuille Vincenzina Gorris
