(patoué de Vagrezentse)
JOLY Quirino
Arnà 1930 - Veulla 1976
Comme eun bió mouéi d'atre campagnar valdotèn, Joly sèi travailléi avouì le man é avouì la téisa : l'ie ou méimo ten masón, sculteur su boouque, vignerón di drèite « traverse » d'Arnad, fondateur é atteur de la « Compagni dou Beufet », groupe téatrale patouazàn.
Bièn sensiblo i probléme poleteucco é sosial, l'a fa partia de l'Amministrachón communala de son péì ioou s'è battù pe lo reuspé di tradechón, di péizadzo é de l'architectura rurala.
Deun se poézie l'a tsantà l'amour pe lo patoué : eun prèidjèn di-z-objé pi seumplo de la via de tcheu le dzor, l'a su no féye apprésiéi la via de no-z-ansétre.