Concours Cerlogne 2020

13 août 2020

Vi le mezeue que son itaye prèize pe lo Covid-19, la tradichonnella fita di Concours Cerlogne, que l'ariye fallì se féye lo mèis de mi, l'é itaye anelaye. 

Deun seutta 58a édichón, 2000 icouillì avouì leue eunségnàn, di-z-icoulle de tcheu le degré, l'arian partésipoù. Le cllasse l'ayàn travaillà to l'an si lo sujé « Les innovations technologiques dans les travaux de la campagne ».

Pe recougnitre le-z-iffoo di-z-icoulle é pe mantegnì eun souvenì de sit an scolére bièn particuillì, l'aministrachón réjonala l'a prévì de baillì a tcheut eun cadó, dèi que le condichón lo perméttérèn, réalizoù pe lo fameu illustrateue Altan.

No vo rappélèn, étó, que si lo site patoisvda.org son euncó disponiblo le vidéó di dzornoù de fita di doe dériye édichón di Concoù é di parcoù d'animachón queulterelle é leungueusteuque réalizaye deun le cllasse.