(patoué de Gressan)
L'Assesorà de l'éducachón é de la queulteua de la Réjón otonoma Val d'Ousta prézénte Dapertotte – Téatre dapertotte, an seriye de fotoromàn eun patoué, réalizoù eun collaborachòn avouì la Fédérachon valdoténa di téatro populéro, que no cónton ató le-z-imadze le pyise téatrale de la sèizón 2011 di Printemps théâtral.
La premì publicachón, que l'a comme protagoniste le mèinoù di compagnì La Pegna Rigolada de Dzignoù/Arpoueuille é Lé Fripon de Votornentse, l'é nèisiya eungn ocajón de la 1ère Rencontre des Petits patoisants, la manifestachón organizéye pe l'Assesorà lo 3 sétémbre 2011 eun Cogne.
D'atre 5 chortiye, que prézenterén le spettacllo de d'atre compagnì, son préviye lo lon di Printemps 2012.