(patoué dé Bretsón)
Ou lon dé l'an qu'ou l'a djeuchto levrà, o sito dou patoué l'at enretchi-se dé cattro gno glossére : tsi dé Pontboset, Saint-Marcel, La Thuile é Cogne.
En pieuch dé tsi ditsionére dé baze, l'at ichtà énsérià eunna gnoa contributsión bibliografécca. L'é o Ditsionére dou patoué dé Champorcher, l'émportanta euvra dé Miranda Glarey, qu'a no mouhtra le caratére dé un di pi particuyé patoué da Val d'Ohta.
Pé levré, co a sétsión Teste én légna a l'é pi reutcha mersì a dé gno conténù inédeut : le poézie dé Agnese Ansermin, ehcréte én patoué dé Valpelline.
Comme contùn, o Guichet ou rémartsià le chèi collaboratour pé a iour pasión é dichponibélétà : mersì a iour o Glossére ou créch !