(patoué de Veullanoua)
L'Assessorà de l'Istruchón é de la Queulteua de la Réjón otonomma Val d'Ousta prézente l'édichón 2011 di Journées de la civilisation valdôtaine, manifestachón nèisua avouì l'idó d'ivrì tourna lo débà su le tème de la sivilizachón, penséte come prèiza de couchihe é de cougnisanse di conteste local.
Euncò hit an lo programme propouze souà de randévoù rezervó i-z-élève é i-z-eunségnàn di-z-ecoule valdotène, avouì de-z-animachón didateuque, de-z-attivitó avouì de djouà éducatif é de laboratouéo finalizó a la decouverta de la queulteua é di particolarisme local, que de-z-attivitó gratouite, iverte a eun pebleucco alardjà, hit an dédiéte a la decouverta de la Maison des anciens remèdes de Dzonsàn.
Lo randévoù l'è donque pe le dzourné di 30 é 31 mi é di 1i jeun queeun. Pe partésipé a la vezeutta a la Maison des anciens remèdes, l'è nésesséo rezervé i numéró 0165/273266.
Detchardjé lo programme complè di dzourné.