Lo Gnalèi si lo Messager Valdôtain

(patoué de Tsaensoù)

Sit an lo fameu almanaque Le Messager Valdôtain, dediye doe padze i Guetset leungueusteucco Lo Gnalèi, lo servicho de l'Asséssorà de l'éducachón è de la quelteua de la Réjón otonomma Val d'Ousta que traaille pe la promochón é la sovegarda di francoprovensal.
Pe valorisì de pi lo patoué é pe féye passé i dzi eun momàn amuzàn, é i mimo ten, eun momàn de refléchón si la lenva, Lo Gnalèi prézente Chouì personadzo a la retsertse d'an paolla, an pégna piise iaou chouì dzi, que arrevon de diffiente queumeue valdoténe, disqueuton si leur cougnissanse de la lenva, pa todzor devin-aye...
L'è poussiblo acoutì l'eunrejistremèn de la piise si lo site web, deun la séchón  «Teste eun leugne» di Glosséro, eun icrièn eunna di paolle di titre deun lo moteue de retsertse.