Nou cors dé l'École Populaire de Patois

26 septembre 2019

(Patoué dé Arnà)

Lé hcole y an torna envion-à, é co qui vout emprende lo patoué ou savé-ne dé pieu pout envioun-ì lé nou cors dé l'École Populaire de Patois.

Lé cors dé patoué, organizà pé lo premì co ent'ou 1995, voulon pasé la nouhtra lenga dou cór é, ou mémo ten, la nouhtra queulteua, la nouhtra conta é lé nouhtre tradichón. Touit pouyon ehcrié-se, lé cors son organizà so déféèn livel é argomèn (débutants, approfondissement, graphie, théâtre).

Ent'i déré an y an ihtà organizà direttamèn di amministrachón comunale entéressaye (dé la promochón i iscrichón, co a herde lo/la méhtre/métresse ehcrit a livel rédjonal).

Lé cors qué sé pouyon fae son :

-          expression orale, langue et civilisation valdôtaine – niveau : débutants

-          expression orale, langue et civilisation valdôtaine – niveau : approfondissement

-          graphie et réflexion sur la langue

-          théâtre

Ou mouèn 10 ehcrit servon pé fae modé lo cors. Lé cors sé payon pa.

Enformachón é iscrichón

Qui fise entéressà pout mandé a la sén quemeun-a pé savé sé lo cors mode é pé savé comme fae pé pouyi-se ehcrie.

Sé la quemeun-a organize pa lo cors, sé pout mandé i offise rédjonal dou BREL pé savé ayoù ign atro cors veun organizà é pé avé totte lé enformachón qué pouyon servì.

Pé enformachón

Bureau régional ethnologie et linguistique (BREL)
16, Rue Croix-de-Ville
Ohta
Tél. 0165/363540–43386