Nouva séchón di Cors dé Patoué - 2020/2021

07 septembre 2020

Avó l'otón envioun-e co l'Ecole Populaire de Patois qué propoze déféèn cors pé aprotsi-se ou pé emprende lo patoué.

Y et dou 1995 qué so lo territouéo veugnon organizà lé cors qué voulon pa djeusto mouhtré la lenga dou cor di valdotèn, ma co la quelteua, l'istouére é lé tradichón dé la Val d'Ohta.

Pé lé déré an, y an ihtà lé quemeun-e a organizé lé corso en betèn a dispozichón lé caro é lé material.

Lé méhtre é lé métresse dé patoué y an lé competense ehcrite ent'é la loué rejonala n° 1214 dou 8 dé Sen Djouàn du 2012 qué dit " Approvazione del sistema di competenze per la tutela e la promozione del francoprovenzale e delle parlate walser . Istituzione di un elenco regionale per il conferimento di incarichi in tale ambito”. Lé méhtre son herdì di quemeun-e qué organizon lé cors, paé da pouì herde la varianta dé patoué la pieu protso.

Oyèn y at ihtà herdì dé djouenté in cors pé aprotsi-se ou patoué é a la quelteua dé la Val d'Ohta, pieu queurt, dé 30 oue.

Eun pout ehcrié-se a hitte cors :

1. Cors dé patoué

- esprechón orala, lenga é quelteua valdoténa - nivó débutàn (60 oue)

- esprechón orala, lenga é quelteua valdoténa - nivó exper (60 oue)

- téatro (40 oue)

2. Cors pé aprotsi-se ou patoué

- esprechón orala, lenga é quelteua valdoténa - nivó débutàn (30 oue)

Lé cors modéàn sé ié séàn ou mouèn 10 ehcrit

Pé enformachón é iscrichón :

Lé persoun-e enteressaye y an a mandé la quemeun-a dé rézidensa ou eun-a protso pé savé quén cors envioun-éàn.

 

Pé d'atre enformachón :

BREL 

16, rue Croix-de-Ville – Aoste – tél. 0165/363540-43386