Tsertsa

Dichonéo

Contenù di site

Multimédià

Teste eun patoué

Documàn

Publicachón : Lo Dichoun-éo di Patouè de Tsamportsì

14 octobre 2011

(patouè de Veullanoua)

« Péquè la paolla, fou lo saì, l'è vivanta ». Atò heutta eumpourtanta fraze de Victor Hugo, Miranda Glarey spleuque le rèizón di Dichoun-éo di patouè de Tsamportsì, traille majestueu prézentó pe l'Assesseur de l'éducachón é de la queulteua, Laurent Viérin, lo 26 ou passó.

Lo Dichoun-éo, euvra que se eunsérèi deun lo projè de sovegarda, valorizachón é promochón di lenve valdotène, l'è lo rezultà d'eun traille de eungn « enfant du Pays » que, avouì orgueuille, l'a poussù baillé a tcheu hisse de sa quemun-a é a tcheu le valdotèn, eungn omadzo a sa lenva maternella. L'Assesseur Laurent Viérin sostchàn que lo patouè de Tsamportsì l'è todzoo reustó èitchà avouì bièn d'atenchón pe sa orijinalitó é que heutta euvra l'è eungn eumportàn témouagnadzo de nouho patrimouéno eummatériel é eun messadzo pe le nouile jénérachón.