(patoué de Veullanoua)
Chi s'adopra scrivendo, a farsi intendere con poca fatica, sarà valido e sincero....
G. Gozzano
L'è reustó prézentó da pocca Reflechon, lo dirii livro de poézì di poète de Tsarvensoù, Davide Mirko Viérin.
Lo livrè recouiille de coblè eun patouè que fon rechourtì de moumàn - deun an magnii seumpla mi eun mimo ten émouvanta - de la via de tcheu le dzor é le bague le pi seumple, de-z-immadze que resèison a repourté qui lli a coutchun-e di valeur le pi eumpourtante, é bièn de cou beuttéye a coutì, de l'ézistensa : l'onètetó, la fouè, lo reuspè.
A traver an fourma d'ar guedéye pe l'eusteun é lo fé d'eumplèyé sa lenva maternella, Viérin passe da de compozichón que semblon de conte - avouì de biche protagoniste ioi que, avouì l'ironì, nison de refléchón de cou amée su lo comportemèn di dzi - a de poézì ioi l'è cller l'amour pe la tèra ou la délujón pe la perte de valeur eumpourtante deun la sosiétó di dzor de vouì.
L'Assesseur de l'éducachón é de la queulteua Laurent Viérinno di que se la letteua de Reflechon l'è eun grou plèizì, l'è étò boun-a de réché l'esprì é de no fée pensé. Deun se coblè pepló de biche, de-z-ommo é de bague, l'âma de nouho territouéo pren via, eungn'âma que soèn l'è catchéte a nouhe jouè tro distrè é todzoo de coursa.
Eunfourmachón :
Davide Mirko Viérin
+ 39 0165 32263