Projé

L'Asséssorà de l'éducation et de la culture de la Réjón otonomma Val d'Ousta, a traè lo Guetset leungueusteucco, l'et, dèi caque-z-àn, eun vrei moteue de la difanse é de la promochón di patoué mersì i finansemèn prévì pe la lloué 482/99 (Lloué pe la sovegarda di minoritoù istoreuque é leungueusteuque).

Tsaque an, la Prézidanse di Conseille di Ministre baille de finansemèn i-z-amministrachón térritoriale é locale, si prézentachón de projé que respetton le requì itablì pe le leugne gueudda impouzaye de la Prézidanse mima é que vo trouade deun le-z-annesse seu dézò.

Le-z-aministrachón pebleuque, euntéréchaye a prézentì eun projé pe la sovegarda di lenve minoritére deun lo cadre di finansemèn prévì pe l'an 2017, dèyon pourté la documèntachón eugn annesse a l'Asséssorat de l'éducachón é de la queulteua de la Réjón otonoma Val d'Outa (Buró réjonal etnolojia é leungueusteucca - 16, Creux-de-Veulla - 11100 Veulla) pe lo 28 avrì 2017.

Pe nen savèi de pi, avèitsade lo site de la Prézidanse di conseille di Ministre.