(patouè de Veullanoua)
Eungn occajón di projè que l'è reustó quèrià Trent'An de Printemps é tan d'atro son reustéte réalizéte an publicachón que no mouhe l'istouère di téatro populéro eun valoda é an coléchón de DVD que prézenton l'attivitó de la Fédérachon Valdoténa di Téatro Populéro (FVTP). L'è reustó réalizó étò eun « master » de téatre pe èidjé, selón eun poeun de vuya tecneucco, le compagnì prézente su lo territouéo.
Hi projè, que l'ou rappelé le 30 an de la Fédérachon Valdoténa di Téatro Populéro, no mouhe l'istouère di téatro populéro eun Val d'Ouha é sa évoluchón é l'è eungn ézeumplo concrè de restituchón di patrimouéno queulterel valdotèn.
« Si projé, que no-z-à vu travaillé pe eungn an, l'a comme objeuitif de valorijì lo téatro eun Val d'Ousta avouì la seugna valeue sosiala é - spleuque l'Assesseur Laurent Viérin - baille la paolla a tcheu le groupe que l'an resitoù deun sise seuncant'an, a partì di Charaban, que l'a djeusto fitoù son 50imo anniverséo, tanque i 36 compagnì que deun le-z-àn l'an fé parteuya de la Fédérachon é propouze étó eunna eumportanta retsertse seui le-z-orijine é lo parcour de l'espérianse téatrala eun Val d'Ousta. Si livro l'é étó dédiat i patoué, lènva di queur di valdotén que lo téatro, mouayèn de communicachón priviléjà, idze a mantin-ì deun totta sa vitalitoù é deun se nombreuze variétoù ».