Tsertsa

Dichonéo

Contenù di site

Multimédià

Teste eun patoué

Documàn

Distribuchón si lo térritouéro

(patoué dé Bretsón)

O doméne francoproventsal régarda, ou djor dé ouèi, tré Echtat. Ou l'a, donca, moué dé diféréntse dou pouén dé vu polétécco é l'a pa le caratére dé eunna natsión : non ié pou doné dé fin a moda dé définitsión.

Tutùn, tratsé le limitte jéografécque dé tsétta zona l'é pa na tchoza simpia ; soèn i son pa bén marcà é i poon tchandjé. Malgré tso, l'analiza di caratére quemeun dé tsétta fameuya lénguestécca l'at aroà a eunna délimitatsión dé trou janre : 

  • a Val d'Ohta, mins le tré quemeune qu'i l'an un patoué allémàn da Val dou Lys, Gressoney-la-Trinité, Gressoney-Saint-Jean é Issime ;
  • a Chuisse romanda, mins o Jura bernèis é, pieu prétchizamèn, le cantón de Neuchâtel, Vaud, Genève, Fribourg é Valais ;
  • a Savouè é l'Ata Savouè, o Lionés, o Dauphiné dou Nord (Grenoble é Vienne), eunna parquià da Franche-Comté, o Bugey é a mità méridionala da Bresse ;
  • le val dou Piémón dé l'ouest dezeut Turùn : a Val Sangone, a Val dé Suza (mouayenna é basa val), a Val Cenischia, a Val dé Viù, a Val dé Ala, a Val Grande, a Val Locana é a Val Soana;
  • le doe colonì allofone dé Foggia én Puglia, Faeto é Celle di San Vito,  qu'i l'an trama-se la vers la fin dou XIII° siécle é l'envión dou XIV° é qu'i l'aroéròn, sélòn l'analiza di caratére lenguestécco, dé l'est dé Lyon, én Bugey.

Si site permè de vo mandér d'atre «cookies» (témouèn de connéchón). Se vo asétade l'utilizachón di «cookies» cliccade su OK, se vo vouléde pi d'eunformachón ou vo vouléde refezé, alléde a la padze di-z-eunformachón.

Padze d'eunformachón