(patoué de Vagrezentse)
PICCONE Vincent
Veulla 1905 - Pila 1933
Valdotèn de queur é d'esprì, l'a viquì deun eun momàn bièn delecat é defesillo de noousa istouére, can lo fachisme tchertchaa de rendre tot igalle pertó é d'étofféi no tradechón, noousa lenva é totte le-z-eunstituchón de noousa réjón.
Mambro de la « Jeune Vallée d'Aoste »* (l'Abbé Joseph Trèves l'ie lo fondateur é l'animateur de si groupe) l'a icrì "La clicca dzeusta" que vouéi l'é considérà l'imne de la patrie valdoténa.
Deun le-z-atre compozichón poétique s'occupe de téme pi jeneral, que son can méimo l'espréchón de se sentimèn é l'ouon beuttéi eun évidanse le defó de sertèn aspé de la sosiétéi.
Dessinateur de proféchón a la sosiétéi Ansaldo de Veulla, l'at ayoou eunna via prègne d'eunteré pa maque llattà a la poézie : l'eut issà peuntre, caricaturiste, atteur pe pachón, fotografe, alpiniste é skieur.
* Groupe réjonaliste nèisù l'an 1925 avouì lo but de soutchégnì é de defendre le droué, le tradechón é le-z-eunstituchón de la Val d'Ousta.