La créma de Cogne

Seutta l’è la résetta pe 12 pèasonne :

én litre de cranma ;
én litre de lassé ;
douze dzanou d’oou ;
la pé d’én limón ;
n’ettou é demié de seuccro ;
ouitenta gramme de cacaó amèa.

Métchade touì le-z-engrédiàn dedén na péla é beutta-la su lou fouà.
Moudade to lou lon avouéi na couillé de boucq é gavade dou fouà djeustou devèn que coumenchéye a couàire.
Conteneyéde a moudé canque seusse veneuya fréde.
Coulade avouéi én passouâ pe gavé-le la pé di-z-oou é dou limón.

É desèn apré : boun apétì a touit !

Tiré de:
Gemma Ouvrier, La cuisine du Val de Cogne / Cucina della Valle di Cogne, Priuli & Verlucca, 1990