Bagadzo a man

Parten-nó p’eun voyadzo?
De té me fièyo bièn
Té t’i lo pappa de mé
É te so cheur ieui allé.

Llouèn llouèn é ià de sé
De mitcho n’a pamì
Pouì gnancamì dzouyé
É lo ten l’ou po pasé.

Llouèn llouèn é ià de sé
De solèi nen n’a pamì
Eun pleuye dzor é ni
É eun crie a chordélé.

Llouèn llouèn é ià de sé
Si pégna é pouì lèi ité
Tranquilla é sensa pouiye
Se t’i té a me pourté.

Llouèn llouèn é ià de sé
Dze vouì vire la mer
Dze vouì euncó soufflé
Te so cheur ieui allé.

Llouèn llouèn é ià de sé
é me sento euncó briché
D’an mala comme brie
Pe poussèi magaa sondjé.

Mi pappa di-mé vèi té
Que te so cheur ieui allé
Se deun le sondzo étò
Le bombe pouchon entré.