Deun l'an scolére 2021-2022, l’icoulla l'è itaye eungn argumàn de retsertse di-z-icouillì valdotèn iaou son itaye analizaye le consécanse de la Covid 19.
« L’école d’avant et l’école d’après : la Covid vue par les enfants » l'è itoù lo sujé di 60° Concours scolaire de patois Abbé J.-B. Cerlogne que l'a permì d'eunretsì la collechón Patois et Identité avouì la publicachón Sur le chemin de l’école, adrèchaye eun particuillì i mèinoù de l'icoulla maternella.
Lo livro moutre comèn l'è tchandjà lo sistéma de l'éducachón d'eun cou é di dzoo de oueu. Eun baille la parolla i mèinoù que conton leue sentemèn, leue espérianse é leue refléchón si le tsandzemèn de l'icoulla avouì lo ten. Son de considérachón féte pe sisse que vequèison seutta réalitoù tche le dzoo.