Man é dèi

Deun seutta séchón vo accapade de formulette que accompagnon le djouà di man é di dèi, témouagnadzo de la fantazì é de la créativitéi llattée a de jeste que de coou, deun lo ten, son sparì (eun partia ou di tot). Lo prosé de trasmechón deun si cas l'a favorizà sovèn la survivanse de la seula partia orala di djouà méimo.
On remarque étó que son de djouà que se préison bièn sovèn a isséi propozà é fat deun de petchoou caro, léi iaou on pou s'amujéi eun eundeverèn lo nombro de caque botón ou bèriet catchà deun lo poueun... ou bièn eun transformèn, comme pe majì, la man deun eun bocón de pan ou de fromadzo...

On carèche la man di popón eun resitèn la contine é apréi, arrevà a la déréye parolla, on baille en petchoou crep su la man.

L'adulte pren su sa man salla di mèinà é avouì l'atra man la gateuille canque a féye "tchac" su la man.

Djouà iaou fa eundeveréi lo nombro di dèi. Eun mèinà leuvve eun ou pi dèi déréi l'etséira d'eun compagnón que lèi fa eundeveréi lo nombro, eun dièn :

Se lo nombro prononchà l'é djeusto, le mèinà s'étchandjon de role. Se lo nombro l'é pa correcte si que l'a levà le dèi, selón lo nombro di dèi que l'èi moousà, dit :

* Formulette attestée deun lo veladzo de Rovarey. Lo mo péroulén* pourie iérì de Péro (Pierre, non de personna- San Péro l'é lo patron di veladzo).

Le mèinà, eun seurcllo é tsaqueun a son tor, plachon i mentèn di seurcllo la man avouì lo poudzo verià eun su é, eun tchégnèn lo poudzo de la man dézó, veurion le poudzo tcheut eunsemblo pe féye semblàn de féye lo beuro.

Le mèinà poouzon lo poudzo dézó la man iverta d'eun atro popón... a la déréye fraze fa gavéi lo dèi pe pa se féye prendre é féye la feun di rat.

Fa eundeveréi deun queunta man l'é issà catchée la « petolla », bièn sovèn reprézentée pe eun bèriet ou eun gremàn. Le mèinà s'achouetton tcheut eun seurcllo avouì le man iverte, to comme lo bec de eun ujéi. Eun popón féi lo tor avouì si beriet deun le man djoueunte é féi semblàn de lo catchéi pe le man de tsaqueun eun dièn la formulette. Le mèinà achouettà vardon le man bièn sarée pe pa féye comprendre a qui dèi eundeveréi iaou se trooue la « petolla ». Apréi tréi possibilitéi, se lo popón l'a pa eundeverà, lèi fa féye eunna peretése.

Formulette que reprèn le-z-eungrédiàn pe la préparachón de la salada canque a peunséi lo dèi di mèinà pe lèi féye prononchéi lo déréi eungrédiàn (l'ail, que eun patoué de Donnas on dit « ai » é que donque l'é bièn reprézentà a traver lo crio di mèinà que l'et issà peunsà).

L'adulte prononche la formulette eun accapèn eun pe coou le dèi de la man di mèinà, eun comenchèn pe lo poudzo pe arrevéi i petchoou dèi.

Eun mèinà, avouì le joué clloouzù, dèi eundeveréi qui l’a teria-lèi eunna tsifla su la man euntréi tcheu le mèinà que l’a eun fase. Lo djouà fenì pa di ten que lo popón eundevere pa qui lo coupablo.

Seutta formulette l'é eunna di pi cougnue é conte lo pi de témouagnadzo su to lo téritouéro valdotèn, sensa de particuliére diferése ou de variante de contenù. Deun la pi granta partia di-z-attestachón le rimaille que chouon son pa ou son paméi accompagnée pe de jeste.

Marguitta, Marguittòn
Lava y aje, quió majón
Féi lo liet è coutcha-tè
Léva li tchambe è fouetta-tè

Marguéritte, Marguéttón
Lava te-z-aize é tchou mèzón
Fai ta cooutse é cooutsa-teu
Léva na gamba é tchaffa-teu

Marguita, Marguitón
Lava le-z-éze, écaoua méizón
Fé la coutse, caoutsa-té
Levva la tsamba, fouetta-té
To daperté

Maguitta, Maguittón
Lava le-z-éze
Icaoua méizón
Fi la cooutse é coutsa-té
Levva la tsamba é fouetta-té

Maguitta, Maguitón
Lava le-j-éije covva méijón
Féi ta cousse coutcha-té
Lévva la samba é coutcha-té

Marguitta, Marguittoùn
Lava le-z-ize, écaoua mèizoùn
Fé la coutse é caoutsa-té
Léva le tsambe é fouetta-té
To daperté

Marguéita, Marguittón
Lava lé-j-ézo, clleu mézòn
Fé lo llet, étoula-tè
Léva la tsamba, fouetta-tè

Marguéritta, Marguittón
Lava lè-r-éze è clloou mérón
Fé la coutse è queitsa-tè
Ivra lè tsambe è fouetta-tè
To dapertè

Marguita, Marguitòn
Lava lé-j-ézo é clleu mézòn
Fé ta coutse é coutse-tè
Léva lé tsambe é fouatta-tè

L'adulte pren su sa man salla di mèinà é avouì l'atra man la gateuille canque a féye "tchac" su la man.

Djouà que, deun la tradechón, se fijé lo premiéi dzor de l'an. Fat eundeveréi veur de bonbón ou de frutta sètse (de mandolle, de gnoué, de-z-olagne) son catchà pe lo poueun de la man. La parolla « mingón » reprézente lo bon é tentachón, a la lettra « tentation », pourie bailléi étó lo sans de tentativa (perqué fat eundeveréi veur de bon n'at).

Djouà iaou on féi semblàn de modéi la polenta. Le mèinà beutton eun su l'atro le poueun clloouzù avouì lo poudzo eun su, tsaque poueun sare lo poudzo de la man dézó. L'on baille paréi forma a eun modón que veurie é on di :

Formulette que accompagne lo djouà de beuttéi le man di mèinà eunna su l’atra canque a féye an pila de man eun fièn semblàn de adjeuntéi, a tsaque coou, ou de pan ou de fromadzo. Le mèinà eun deunse plachon leur man, de coou avouì pi de forse d’atre cou eun gateillèn la man djeusto dézó. Tsaque djesta l’et accompagnée di mot « pan » ou di mot « fromadzo ».

Deun seutta variante fat eundeveréi  lo nombro di petchoou bèrio clloouzù deun la man ( tot i pi djéi). Si que eundeveure pou vardéi le bèrio, si que dit eun nombro trompà ate lèi fa bailléi lo nombro de bèrio que féyon la differése.

Deun seutta variante fat eundeveréi lo nombro di petchoou objé catchà pe lo poueun de la man, bièn sovèn de bèrio ou de botón.

On carèche la parma de la man, on baille dou petchoou crep su la man (gro co, petchou co) é apréi on gateuille lo bréi.