(patoué de Vagrezentse)
DUC Lucio
Tsahiillón 1927- Arnà 1977
Eunstituteur, artizàn, écrivèn, deun sa jenesse l'a fa partia dou « Cercle Bréan »* é dèi adón l'a moourà son eungadzemèn pe la défanse é la valorizachón di tradechón é dou francoprovansal.
Animateur, l'a fondà a Arnad eun'ecoulla d'artizanà eun tornèn propozéi l'eumplouà dou lavel (la « pierre ollaire ») é l'eut issà étó eun di promoteur de la « Compagni dou Beufet », groupe téatral patouazàn ; seutte dave attivitéi se son developpée tot itor dou Santre de lettura que Duc l'èi organizà pe approtchéi le dzovéyo a la queulteura.
* Joseph Bréan (1910-1953), tsanouéno de la colléjala de Sent-Or, l'eut issà l'idéateur d'eun groupe culturel d'ispirachón catoleucca-réjonaliste. A si groupe l'an partesipà le dzovéyo valdotèn pi eungadjà dou 1947 ou 1955.
