(patouè de Veullanoua)
Lo Concour pe le-z-ecoule « Abbé Jean-Baptiste Cerlogne » l'è aréó a sa 53ima édichón !
La novitó de hit an l'è que l'attivitó de retsertse propouzéte i-z-ecoule l'è reustéye eunsériya deun lo projè de coopérachón territoriala transfrontaliéra I/F Alcotra 2007-2013 n° 26 ETHNOLOGIA, financhà pe l'Unión Oropéenna, avouì comme partenère l'Assessorà réjonal de l'éducachón é de queulteua.
Aprì aì traillà to lo lon de l'an su lo sujé que l'è reusto-lèi propouzó, « À la découverte de nos communes : les anciens savoir-faire », le 3400 partésipàn de heutta édichón, eunségnàn é écouillì de totta la réjón, mi étò di délégachón de la Savouè, di Pouilles é di valode piémontèze, se retrouérèn a Euntroù, lo 13, 14 é 15 mi queeun pe la grousa fiha de cllouzeua.
Eun pi di spétacllo organizó pe l'ecoula d'Euntroù, sarè propouzó i partisipàn eun parcour pe cougnihe la quemun-a ioi que l'è organizó lo Concour atò de-z-attivitó plèizente eun patouè.
Le partésipàn i Concour :
| Ecoule | Réjón | Écouillì | Eunségnàn | Total partésipàn |
| Maternelle | VdA | 1 362 | 174 | 1 536 |
| Primée | VdA | 1 393 | 189 | 1 582 |
| Mouayenne | VdA | 69 | 6 | 75 |
| Supérieure | VdA | 38 | 2 | 40 |
| Piémón Pouilles Savouè | 164 | 17 | 181 | |
| total partésipàn | 3 026 | 388 | 3 414 | |