(patoué dé Bretsón)
L’é én Oyace qu’a sé féjérà, o 25 e 26 dé mai, a grousa féhta finala du 61° Concours « Abbé Jean-Baptiste Cerlogne ».
O Concours, énvéntà l’an 1963 pé René Willien, a l’é organizà dé l’echtreteurra Expositions et promotion de l’identité culturelle – BREL dé l’Assessorat di bén queulterel, dou tourisme, dé y echport é dou comerse, én collaboartsión avó o Centre d’Études Francoprovençales « René Willien », éntó l’objetif dé vardé é valorizé a queulteurra francoprovensala.
A féhta finala a l’é un bé momèn pé sé troé pé touit y ehcoyé qué, énsémbio le iour énségnàn, i l’an travayà teut l’an so l’arguemèn propozà, Prèdjé ou cour, eun arguemèn qué tseht’an ou l’at éntéressà 1130 partisipàn.
