La fiche toponemeucca

(patoué di-z-Amaveulle)

Le tsertseur, lo lon di leur eunquéte, l’an eumpléyà an fiche penséye esprés que marcae totte le-z-eunfourmachón a recouillé.

Vouélà lo format eumpléyà :

0.1 Code

Deun le dou premì carón n’a lo code de la quemeun-a ieui l’eunquéte veun féte (preui de la lista ofichella di quemeun-e valdoténe). Lo code d’Arnad, pe ezeumplo, que l’è la catrima quemeun-a deun l’odre alfabéteucco, l’è lo 04. Deun le-z-atre carón veun foua lo numéró progrésif di fiche.

0.2 Data

Eun marque lo dzor de la rédachón de la fiche.

1.1 Toponimo

Non di llouà comme l’et itó recouillà pe l’eunquéteur.

1.2 Coordinéye di plan

Su le plan di cadastro l’et itó marcó eun désèn avouì de tseuffre é de lettre pe plat é pe dret que, avouì lo numéró di plan, pemetton de localizé lo toponimo.

1.3 Otcheui

Pe le djouiye é le tsemeun, eun marque l’otcheui di poueun ieui parton é salla di poueun ieui arreuvon.

2.1 Variante

Son marquéye le variante, seurtoù fonéteuque ou morfolojeuque, d’eun mimo toponimo.

2.2 Atre dénominachón

Catche cou a eun mimo llouà lèi diyon dou non ou fenque pi  de dou; deun si cas, eun reumplèi dae fiche ieui le dou toponimo rechorton, eun pe cou, i poueun 1.1. é i poueun 2.2., eun remandèn de eun a l’atro.

2.3 Coteumme prédjéye

Comme lo mot l’et eumpléyà l’et utillo seurtoù pe savèi se lo non de llouà l’a l’articllo devàn ou po. Donque fo eunséré lo toponimo dedeun eunna fraze comme : dze vou a… ; dze veugno de… ; resto a… ; vou séyé lo pro a… ; se a la plase de la prépozechón eungn a eungn articllo contrató, lo toponimo l’a l’articllo.

3.1 Etneucco

Non é seurmegnón pe le dzi d’eun llouà.

4.1 Sans di toponimo

Poueun de vua di témouèn su lo sans di toponimo.

4.2 Catégorie

S’ajèi de catégorie prévue pe l’eunfourmatizachón di donné que se repourton a eunna lista écritte esprés. Tsaque catégoria l’è coumpouzéye d’eun code de lettre é de tseuffre.

5.1 Nateua di térèn

Si carón beutte eunsemblo totte le donné que sarian nésesée pe décrie amoddo lo llouà ieui lo toponimo l’è plachà.

5.2 Catégorie

Son validde le mime considérachón deutte i poueun 4.2.

6.1 Atre eunfourmachón

Deun si carón eun troue totte le-z-eunfourmachón su le tradechón locale, le conte, le léjande, le crouayanse… que l’an a que vire avouì lo toponimo.

7.1 Carte

IGM – Carte 1 :25.000 de l’Eunstitù Jéofrafeucco Militéro.

CR – cartografia réjonala.

8.1 Fourme écritte i dzor de voueu

Salle qu’eun retroue, pe ezeumplo, su le pannó di rotte.

9.1 Note

Carón pe to sen que l’eunquéteur l’ou écrie de pi.

10.1 Témouèn

Non de mèizón é non.

11.1 Note de la rédachón

Féte pe lo BREL.