(patoué dé Arnà)
Lo lévro La lana di…La lan-a di… néh dou travai dé retsertse fét dé la séconda dé la hcola primée dé Charvensod-Plan Félinaz pé lo Concours scolaire de patois Abbé J.B. Cerlogne (an 2015-2016) qué y avive comme sujé « A la découverte de notre communes : les anciens savoir-faire ». Lé minà y an ispira-se a la contin-a franséze La laine des moutons é y an travayà so lé dessèn e so la conta en magnée déféènta perqué, can in minà fèi, no conte todzor cahtsoza dé sé.
Lo lévro y et fét dé dove contin-e : La lana di bibì, hcrite ent'ou patoué dé Sen-Venhèn é La lan-a di bîeun ent'ou patoué dé Eymaveulla.
La pubblicachón y et co pieu completta mersì a dove tsanhón, bazaye so la mélodì é lé teste dé la piquioda tsanhón franséza, enterprétaye dé dove artiste valdoténe pé poun-ì doun-ì i pappa é mamma in strumèn pé mouhtre na lenga ma surtoù pé encoadzì lo lièn to lé lor minà.
Vezetadde la séchón Apprende pé trouvé lo matérial so lo projé.