N’ayè fata de publié le rezultà de si énormo travaill de retsertse toponomasteucca, pai deun lo 1997 l’è chortua la premie monografia dediéye a la quemeun-a de Hône é eun lèi retroue tcheu le rezultà de l’eunquéte deun si llouà de la Basa Valló.
Seutta premie publicachón, que baille l’envio a eunna coléchón de monografie, l’at eun caratéo tchica particuillé pe rapor a salle que vegnerèn aprì, pe lo fé que le donné de l’eunquéte orala son eunretsie pe de retsertse a fon deun le-z-archive.
Deun le monografie, le donné de l'eunquéte son accompagnéye pe de tsapitre su la jéografie de la quemeun-a, su l’istouére, pe catche remarque su la variétó di patoué local, pe la prézentachón de la retsertse toponomasteucca eun Val d’Outa é pe la métoda de travaill.
Fan partia de la coléchón le voleummo dedià a Lillianes, a Arnad é a Vagrezentse, tcheut accompagnà pe eun CD-ROM euntératif.
L’eunquéte, féte pe madamma Piera Bordet deun la périodda de avrì 1988 a févrì 1989, l’a permì de recouillé 1177 toponimo su eun total de 31 foille di cadastro, pe eun téritouéo de 13 kilomètre caró.
Lo voleummo, avouì eun plan di cadastro, l’è chortù deun lo 1997.
L’eunquéte, féte pe Anna Jans deun la périodda euntre jeillet é novambre 1987, l’a permì de recouillé 532 toponimo su eun total de 24 foille di cadastro, pe eun téritouéo de 19 kilomètre caró.
Lo voleummo, avouì eun CD-ROM euntératif, l’è chortù deun lo 2008.
L’eunquéte féte pe Piera Bordet deun la périodda euntre oût 1991 é mi 1994, l’a permì de recouillé 2461 toponimo su eun total de 58 foille di cadastro, pe eun téritouéo de 29 kilomètre caró.
Lo voleummo, avouì eun CD-ROM euntératif, l’è chortù deun lo 2009.
L’eunquéte, féte pe Sylvain Bois deun la périodda euntre janvir 1998 é oût 1999 l’a permì de recouillé 1348 toponimo su eun total de 48 foille di cadastro, pe eun téritouéo de 133 kilomètre caró.
Lo voleummo, avouì eun CD-ROM euntératif, l’è chortù deun lo 2013.
