Témouèn 1 : « Péquè can y è mor lo mén bofrée Lén, qu’i son itó tchouà a Antèi, adón y a pé falù lé portà in sé… alàn maque sise tchica pi vioù, lé portà én sé. Aprì, lo dzor dé la sépouteua, mi, y è lé partidjàn qu’i vignoon pé lé sorvéillé, qu’ise po itó lé fachiste qu'issan venre dérendjé. Sé vardave, ou té dé la sépouteua, péquè y ae Sévérinno Meynet é Tito Cavorsén ».
Témouèn 2 : « Cavorsén qué i a itó tchou sou la… ».
Témouèn 1 : « Oi, qué apré y an mi…comèn sé di... lé partidjàn son véén jouèyé qué issan po poueu vén lé-z-otre llé fae dé… acapà sisse dzoun-io qué y an posù alà a la sépouteua, bon. É adón, to pé in momèn, can aruon lé, djeusto dameun lo Plan-d’Aé, qu’i fijòn la lévó, to p’én momàn, y a dé dzi qu’i y an poué vu dé fuzì dju dou djè dé Marseillé. Dé bague tchica… te so qué… Adón n’ae poué an femella qu’i [euncomprensiblo] : – Lamoundjeu, fide atenchón, la fèi lé fachiste i tornon dza –. Maque lé dzouvin-o éan peu tcheu scapó su pé lo… tcheu sé dzouvin-o su pé lé Pouentì sé catsé, bon ».