L'è eun projé de retsertse si l'iteudzo antropolojeucco consernàn lo statù di noue dzi que prèdzon lo patoué eun Val d'Ousta, pe baillì de reponse si le mécanismo, prézèn deun la sochétoù di dzor de oueu, é si le rèizón que pouchon le dzi a itedjì an noua lenva deun eun conteste multilenve, mi surtoù si la fasón de batì l'idantitoù deun lo ten.
Mma Christiane Dunoyer, que l'a idéoù lo projé, prézente deun sa publicachón é deun eun DVD le rézultà di-z-anquéte féte si lo térritouéro. Lo DVD l'è eun suppoo complémantéro a la letteua di teste siantefeucco.