(patoué de Tsaensoù)
Le conte de la Val d'Ousta, transformaye eun vidéó, son de-z-espérianse attréyante, que prézervon de tradichón bièn viille avouì an fourma de narrachón moderne. Seutte vidéó féon lo pon euntre le vioù ten é oueu é splecon le conte valdoténe a eun pebleucco mondial, eun garantèn que contegnèyan a eunspiré é euntsanté.
La réalizachón di vidéo que vo accapade deun seutta séchòn son itoù eun partia financhà pe lo projé Faire Connaître deun lo programma PITEM Pa.C.E. - Alcotra 2014-2020.
Vidéó
La conta de sent Oo - - Atamas Aosta Teatro
La léjande dicrì la fegueua de sent Oo de fasón attréyanta, un sen bièn lamoù pe la communoté valdoténa. No moutre le momàn pi eumpourtàn de sa via, comme lo role de tsanouéno deun la colléjala de Sent-Oo, le sin-e euvre de tsarité é sa dédichón a chouegnì le pouo é le-z-imarjinoù.
L'omo sarvadzo - Compagnì Teatro nel mondo
L'ommo sarvadzo l'è an conta, eun mite diffujà deun le-z-Alpe. L'è eun personadzo arbeillà malamente, ditsase, que choo di bouque é va cougnitre lo mondo. Dapremì le dzi l'an pouye de lli, dèisèn lèi rion aprì é pe fenì lo mandon ià. L'é lo pi gran dépositéo de sajesse. Grase à lli, no cougnissèn le secré pe traaillì lo lasì. Sarvadzo mi bon, maladret mi savèn, l'a surtoù pouye de l'oua.
La potze volanta - Compagnì Nuova Babette
Trèi ermeutto Valdotèn louon pa eumpléyì an potse pe resté peue. Crègnon que le commoditoù atterion lo djablo.
La Tornalla d'Oyace - Compagnì Teatro d'Aosta
La conta prèdze de la tornalla d'Oyace que l'è itaye batiya pe protédjì lo veulladzo d'eun dragón. Eun dzouin-o courajeu se bat contre la bitche é sove lo veulladzo. La tornalla l'è lo seumbole de protéchón é de coadzo.
Poguel de Grinda - Compagnì Palinodie
A traèe seutta conta, no cougnissèn la probabla veuetoù si lo fresque que eun troue deun lo tsatì d'Issogne, eun rendèn si llouà plen de mistéo.
Lo bou é lo dragón - Compagnì Les 3 plumes
La léjande conte que eun pouissèn dragón terrorizèye le dzi de Blavì a Nus eun pequèn le troupì é eungn ipouvantèn le dzi. Eun dzoo, eun courajeu bou l'a désidoù de se battre contre lo dragón é de sové lo veulladzo. Aprì an dzenta bataille, lo bou l'a gagnà contre lo dragón. Seutta léjande l'è chouèn contaye pe prèdjì de la déterminachón é di capasitoù de réachón di dzi contre le maleue.
Memorie di un santo pazzo - Compagnì Replicante teatro
Deun la fameuille di Sarriod de la Tour de Sen-Piére, n'at itoù de-z-ivéque bièn eumpourtàn. Euntre leue, eun conte que, euntre lo 1625 é lo 1683, n'at itoù étó eun sen, tchica mat, que l'é itoù cllouzì eun borna, deun an tsambra de la tsapella.
La preunsesse Laou - Compagnì Curious industries
La conta de la preunsesse Laou conte de an pégna preunsesse que l'è itaye transformaye eun laou é que l'a comenchà a veuriì pe lo bouque eun tsertsèn la pése. Semble que l'èye moutro étó eun gran coadzo é an gran compachón aprì le conte de sertèn dzi que l'an euncontrou-la pe tsemeun.
