(patoué dé Bretsón)
A sétsión Aprénde dédià i minà é i djoèn a s'énretchich dé gno conténù !
En éffet, dé cahquie djor, i poeu troé so o sito le douch premì lévro da collétsión « Patois et identité » én forma completta é qu'i l'aruon di pi béle rétchertche réalizà dé y ehcole qu'i l'an partisipà o 54° Concours pé y ehcole « Abbé Jean-Baptiste Cerlogne » (le publicatsión l'an ichtà finatsià pé a louè n° 482/1999 pé vardé le minorité lénguesecque).
O premì lévro, Lo tsatagnì, comme ou dit o titre, l'é dèdià a queulteurra dou tchahatgnì é ou bétta énsémbio o travai dé rétchertcha di classe dé l'ehcola élémentére d'Arnad ; o sécón lévro, Dou gran... ou pan, ou prèdja da queulteurra di séréal é vièn da rétchertcha di piquiot ehcoyé dé l'azille dé Challand-Saint-Anselme.
Vents a sétsión Aprénde, i troeu, donca, le teste complet - contùn én tre léngue - di dpuch lévro, ma co le bé dessèn, réalizà dé ehcoyé, qu'i sé poon dehtchardjé é impié pé dé bé cours dé patoué é dé queulteurra da val d'Ohta.
En pieuch, o site ou vo dona a possibilité d'aé co mach dé matériel didatécco. En effe, i poeu ehcouté le versión sonore di teste én patoué, qu'i son ichtà lu di minà mémo qu'i l'an feut le rétchertche.
Vejeutteu donca a sétsión dou sito dédià a l'initsiativa é bon dévertichemèn !