(patoué de Tsaensoù)
Lo volumo « Coum'on étèila que kòoule.. Comme une étoile filante... Come una stella cadente... », icriette eun mémouée de Federica Diémoz que l’è mancaye l’an 2019, l’è itoù publià deun le dérì ten. D’orijine de Rèizàn, l’a consacroù totta sa via académeucca pe l’iteudzo de sa lenva maternella, lo francoprovensal.
Madama Diémoz l’è itaye eunségnanta di course de dialettolojì é sosio-leungueusteucca gallo-roman-a a l’Universitoù de Neuchâtel, l’a dirijà lo Santre de dialettolojì é d’iteudzo di fransé réjonal dèi l’an 2014 tanque a l’an 2019, eun lèichèn de trase eumpourtante deun si doméne grase i sin-e retsertse, a sa pédagojì é i difiente collaborachón eun Chouisse, eungn Europa é i Canada.
Le seun collègue é amì l’an poussì lèi rendre omadzo avouì leue teste recoueillà deun si volumo eun reprézentèn le penchiye que Federica l’a apprésià é soutegnì.
« Coum'on étèila que kòoule.. Comme une étoile filante... Come una stella cadente… » . Mélanges à la mémoire de Federica Diémoz
chouégnà pe Dorothée Aquino-Weber, Sara Cotelli Kureth, Andres Kristol, Aurélie Reusser-Elzingre é Maguelone Sauzet
Livro publià avouì lo souteun de l’Université de Neuchâtel, de l’Association William Pierrehumbert é de la Réjón otonomma Val d’Outa
2023 Librairie Droz, Genève