(Patoué de Tsaensoù)
Allèn eun douàn avouì la dicouverta di nouoté di site. Si cou no prézentèn lo moteue de retsertse que l’è itoù renouveloù avouì de noue fonchón é contenù.
S’ajèi d’eungn eunstrumàn que permé de seumplifiì l’espérianse de l’utilizateue, de troué pi fasilamente eun rezultà é de tchire to de chouite si eunna padze.
Eun partèn de la lenvetta blantse de la retsertse, que eungn accappe deun la padze d’aqueil di site comme i sondzón de totte le padze di souséchón, le-z-uzajé pouon icriye la paolla que lamérian cougnitre ou lo sujé que voulon itedjì.
Difientamente de la viille verchón, lo moteue de retsertse prézente, eun tsertsèn deun totte le difiente séchón di site, le rezultà partadjà pe catégorie : dichonnéo, contenù icriet deun lo site, contenù multimédià é documàn. Pèi, l’uzajé pou èi eugn’idoù completta di sujé que l’a tchertchà.
Eun pou féye la retsertse, eun partèn de totta sorta de lenve di site (fransé, patoué ou italièn), mimo eungn icrièn la premiye partia d’an paolla.
L’è poussiblo étó féye an retsertse pi a fon, a gotse de la padze, eun pou chédre la partia di site iaou accappé lo mot, deun lo menù Pertot.
Si eunstrumàn, eun pi, saré eumpourtàn pe jéré le contenù di site : eun partèn di statistique di retsertse, saré poussiblo pensé a de teste que repondon i-z-euntéré di-z-uzajé ou que approfondèison de sujé particuillì.
Lo moteue de retsertse permé de troué eun rezultà sensa fallèi entré deun totte le sechón é le padze di site. S’ajèi donque d’eungn eunstremàn euncroyablo pe cougnitre le reutso contenù é lo patoué.