(patoué di-z-Amaveulle)
De la collaborachón euntre l’Offise réjonal di Tourisme é lo Guetset lengueusteucco di patoué l’è nèisù « Léjande di Tsemeun de Djouiye », eun livret que l’ou itre an gueudda po comme la coteumma di Tsemeun de Djouiye, eunna di promeun-ade euntremì le pi emblémateucque de noutra réjón.
Tsaque étapa di parcour vat avouì an léjanda – contéye deun le déféèn patoué de tsaque parotse - que permè a sisse que vezeutton d’avétché amoddo é fran dedeun le-z-aspé particuillé di llouà. Eun roulèn su le vioù sentchì, eun pou déquevrì de conte de personadzo courajeu, de créateue mistique é de mistére plen de tsarmo.
Pe allé co pi llouèn deun l’esplorachón de si mondo léjandéro, pouéde vezeté la séchón dédiéye su noutro site web patoisvda.org. Lé vo trouéde étò le verchón eun fransé, eungn italièn é eungn anglé é euncó an verchón contéye eun patoué. Pai vo pouéde pi vivre le conte d’an fasón co pi gourmanda é otanteucca.
Pe savèi comèn eun pou avèi an copia de si livret, adréchéde-vó a l’Offise réjonal di tourisme é a se buró local.