(Patoué de Tsaensoù)
Avouì l'épidémia de coronavirus, étó lo mondo de la queulteua é di lenve minoritére l'é adattou-se. Lo Pri Ostana, fita de la diversitoù leungueusteucca é queulterella - pensoù pe la Chambra d'oc, eun collaborachón avouì Nethics é l'èidzo de la quemeua de Ostana, la Réjón Piémón, lo Cirdoc de Béziers, lo Pen club Occitan, la Ràdio Lenga d'Òc, la Fondazione CRC, la Fondazione CRT, la ATL Cuneo - l'a trouoù eunna noua plase virtuella.
L'édichón 2020 l'é itaye féta, donque, eun leugne si lo site premioostana.it, lo 5 é 6 joueun passoù. Deun le 15 aoue de trasmechón l'é itoù baillà lo too a de-z-euntervioù, de conféranse, de consèe, de contribuchón littérére é arteusteuque. Pé avèi assè i difièn contenù, vezetade lo site premioostana.it.