(patoué de Vagrezentse)
L’é eun leugne, su lo site di Guetset Leungueusteucco di francoprovansal de la Val d’Ousta, an séchón novéya dédiée i formulette di djouà di vezadzo é di cor, nèisue pe amujéi é occupéi lo popón méi étó pe lo èidjèi a mioù cognéise sé méimo…
« Lo djouà l’è lo pi gran moyèn d’apprentisadzo » : le formulette llattée i djouà di vezadzo é di cor son eun ézeumplo évidàn de comme a traver l’amuzemèn lo popòn pouèye arrevéi a mioù cognéise sé méimo é le partie de son cor.
Si prosé pren forma eun eumpléyèn le jeste, lo mouvemèn é la coordinachón. L’é paréi que le pi petchoou, tot eun rièn, aprègnon comme se prononchon le partie di cor eun patoué.
Perqué deun si mondo majique de « gran joué, petchoou joué » y é fran pa ren de drolo se - to p’eun momàn - le pouente di dèi semblon iérì de petchooude fremie que gateuillon lo bréi, oou se fa veriéi la poueunte di na pe freméi la porta oou, euncora, cllore le joué comme dave frenéise…