(patoué di-z-Amaveulle)
Pe sen que regarde le fasón de se sogné, se le Valdotèn renonson po i servicho de la medeseun-a offisiella, an bon-a partia euntre leur eumplèye, can mimo, de térapiye « alternative » que l'an leur rèise i queur d'an tradichón survécua, jénérachón aprì jénérachón, canque i dzor de voueu.
Lo livro Plantes officinales et remèdes traditionnels : un savoir antique au service de la modernité l'out étedjé si mondo eun profonditó, seun parcour deun l'istouée é sa dimenchón atuella, pe valorizé si eumportàn aspé de la quelteua valdoténa. Eun foillatèn le padze de si volume, eun pou acapé, protso di fiche que décrion le plante offisinale pi cougnue, de-z-aprofondissemèn su le fasón de se sogné d'eun cou, comme pe ézeumplo allé di rabeilleur, lo rite di secret, la dévochón i sen.
Seutta euvra l'è llettéye a la Maison des anciens remèdes, santre d'eunterprétachón pe l'attualizachón de l'usadzo di plante-z-offisinale, réalizó pe l'Assessorà de l'Educachón é de la Quelteua de la Réjón otonomma Val d'Ousta, eun colaborachón avouì la quemeun-a de Dzouensàn, pe sen que l'è lo projé de coopérachón transfrontaliére Alcotra Italie-Franse « Les racines du goût ».
