Seutta publicachón, que l'è itaye financhaye pe la lloué 482 di 15 désambre 1999, é que conserne le riillemèn pe la protechón di minoritoù leungueusteuque istoreuque, conserne la retsertse Rire, courir, jouer , réalizaye pe l'icoulla maternella de Tsezallette, eungn occajón di 55° Concoù scolére de patoué Abbé J.-B. Cerlogne (an d'icoulla 2016-2017).
L'a l'euntenchón, d'eun coutì, de valorizé lo traaille fé pe le-z-icouillì é pe le metresse, de baillì an recompensa pe leue eungadzemèn, la caletoù di rezultà final é de l'atro, de euncoadjì de nouile produchón eun patoué que permettéren de contegnì seutta dzenta aventeua di Concoù Cerlogne, de an eungn an.
Rire, courir et jouer son san manqué le verbe di mèinoù, sisse di dzor de voueu comme sisse d’eun cou, mimo se la magnie de déboudjé l’a bièn tsandjà deun lo ten.
Se eun mouì de djouà son pasó d’an jénérachón a l’atra é lèi son co ara, pe sen que regarde le dédoudzet, la situachón l’è bièn tsandjéye : n’a renque a foillaté le padze de si livret pe se rendre contcho que le petchoù tren sayàn fabrecó atò de bouite de sardinne é que la mamma queijè de pateun pe fiye an pouetta.
Deun seutta padze, l'è poussiblo ditchardjì lo livro tot euntcheue é étó le traduchón di teste eun fransé é eugn italièn é le-z-eunréjistremèn fé pe le mèinoù é le metresse de l'icoulla maternella de Tsezallette.
