(patouè de Gressàn)
RONC DÉSAYMONET Anaïs
Veulla 1890 - 1955
Madama Ronc Désaymonet, cougniya di Valdotèn comme « Tanta Nëisse », l'é itéye metressa, conseillì réjonal (a partì de l'an 1949 é torna élua l'an 1954) é l'a partisipoù a la fondachón di « Comité des Traditions Valdôtaines ».
Metressa eun Cogne, ver lo 1920, l'a idjà a relanchì l'artizanà di pitset que reuscave de se pédre é, eun se idzén avouì de publisitoù destinéye i touriste, l'a tchertchà de lo fiye cougnitre euncò fooua de la Val d'Ousta.
L'a publià trèi livro pe llire pe le mèinoù di-z-élémantére, an publicachón si la viya é le léjande deun la valoù de Cogne é lo requeui « Poésie campagnarde ». D'atre poézì son chortiye si le journal di poste. La signa poézì eun rima é métrica prén ispirachón de la viya campagnarda é totse eun bon livel deun le compozichón de descrichón.
