(patoué de Dzonsàn)
Sit ouvradzo, que moutre totta la valeur queulterella é sosiala de l'ar téatrala eun Val d'Ousta, baille la paolla a tcheu le groupe que son poyoù su lo palque deun sise dérì seuncant'an, mi prézente étò eunna eumportanta retsertse su le-z-orijine é lo parcour di téatro eun Val d'Outa, réalizaye pe Alexis Bétemps.
Pe sa nateura, si volume l'è étò destinoù a rendre omadzo i patouè, la lenva di queur, que lo téatre, que l'è la fourma de comunicachón priviléjaye, édze à mantiìn deun totta sa vitalitoù é deun totte se variétoù. Noutro dzen patoué gnan pai an lenva pe feuye reuye ou soureuye, mi étò pe contéi, pe émochoréi, pe feuye reflecheui é, de seutta magnéye, pe véiculéi noousa queulteura. Reuye, soureuye é reflecheui deun noutra lenva : vouélà la fromanse dou téatro populéro.