Cattro patelle
Te baillo an patella
i-teu contén ?
Na bon, fé pa di bién
lamo mioù eun soflet
l’é tchica pi lévet
pa pezàn comme an lordèigna
ou eun sacré lordón
que te sopatte la tita
é de cou euncó lo cotsón !
An seumpla tsifla
fé tchica mouén mou
cheue pa comme an lentsepotoù
An platta a man iverta
pou marquì le dèi
desì la dzouta
An lecca pou itre sètse
ou pi lévetta
An manreversa, an locca
ou eun patón
fan bién pi mou
que lo petchoù « pastecu »
lo dzoo de la Confirmachón