dapertotte - téatro dapertotte

(patoué de Veullanoua)


L'Assesseur a l'Istruchòn é a la Queulteua, Laurent Viérin, prézénte dapertotte - téatre dapertotte, eun nouo projé pe fiye cougnitre la réalitoù di téatro populéro é di patoué a tcheu sisse que làmon si janre de spettacllo, é étò a eun pi gran pebleucco.
dapertotte - téatre dapertotte l'é lo premì fotoromàn eun patoué, voulì de l'Assessorà Istruchòn é Queulteua deun lo lardzo de la poleteucca queulterella a faveue de la lénva di queur di Valdotèn.
L'é an publicachón - réalizéye eun collaborachón avouì le compagnì de la Fédérachon valdoténa di téatro populéro - que, eun prégnén ispirachón di pyise prézéntéye i Printemps théâtral 2011, développe an narrachón a travèe le fotografì féte lo lon di diféén spettacllo. Le teste son semblablo a sisse di fotoromàn d'eun cou, mi avouì an grousa attenchón i langadzo d'esprèchon di dzor de oueu.

L'Assesseur Laurent Viérin l'a soulignà que la fose d'esprèchòn di patoué é son caratéo universel son de fé que gneun pou contesté. Lo patoué, eungn effet, l'é pamì rénque an lénva llizia a la campagne é i campagnar, mi l'é eun trén de vin-ì eun eun mouayén de comunicachón complet, que pou compètre deun tcheu le-z-aspè de la viya de l'ommo. Aprì an grousa produchòn littéréa deun la poézì, deun lo téatre, deun le conte é finque deun lo romàn, lo patoué totse lo fotoromàn, an baga complètemàn noèlla. Si prodouì, que s'adresse i pebleucque pi groù pousiblo, surtoù i dzoun-euo é i mèinoù, é a tcheu sisse que làmon lo téatre populéro, lou itre eungn atro eunstremèn pe pourté louén lo patoué, pe lèi baillì dignitoù é pe lèi recougnitre, se jamì n'iche euncò fata de lo fiye, le prérogative de salle lénve que l'an eun statù bién pi remarcablo.

Lo projé prévèi la chortiya de seun numerò, é tsaque numerò propouze cattro pyise de téatre pe cattro diféénte compagnì. Eun numerò spésial, eun pi, l'é dédià rénque i mèinoù e l'a comme protagoniste le groupe La Pégna Rigolada de Dzignoù/Arpuoeuille e Lé Fripón de Votornentse. Si dérì chapitre, lo premì que l'é chortì, l'é itoù prézentoù eungn'ocajón de la 1ère Rencontre des Petits patoisants, la manifestachón organizéye pe l'Assesorà lo 3 de sétémbre 2011 eun Cogne. Le-z-atre numerò sarén-pi publià lo lon di Printemps Théâtral 2012.

Numéró 1- Sétémbre 2011

(patoué de Tsaensoù)

Deun si premiì numéró, dedià i mèinoù, le compagnì de téatro La Pégna Rigolada de Dzignoù/Arpueuille é Lé Fripón de Vatornentse son le protagoniste di dou épizode, reprèi di piise prézentaye eungn occajón di Printemps théâtral 2011, avouì lo titre Le barbyì de Couliye... et  Zou-Zou lo joueur dé cazoù.

Annexe

Numéró 2 - Marts 2012

(patoué dé Bretsón)

Tsi co, son cattro le compagnèi dé téatro qu'i no prézénton, a traver y imadje é le dialogue, le pièces qu'i l'an résità l'an pasà, ou lon dou Printemps théâtral.

I son : a compagnà La Ville de Cordèle dé Jovençan, éntó Lo ban di martchà, a compagnà Le Badeun de Chouéléy dé Saint-Christophe, éntó Niméó, a compagnà Guiandéc è Fouhetéc dè Vión-a dé Hône, éntó An bon-a mén-éhtra, é a compagnà Le Béguiò dé Valtournenche, éntó La Cabana.

Annexe

Numéró 3 – Marts 2012

(patoué dé Bretsón)

Én tsou numéró vo prézéntón le iour piése le compagnèi téatrale : Le Squiapeun dé Bionaz, éntó Se pouson criì vacanse ? ; La Rigolada dé Gignod, éntó Soundzo d'an nite de mi itsatèn ; La Tor de Babel - qu'a beutta énsémbio dé attour d'Avise, d'Aymavilles, dé Morgex, d'Introd, dé Saint-Pierre, dé Saint-Nicolas, dé Valgrisenche, dé Valtournenche é dé Villeneuve - éntó Queur dedzaló ; Le Djabloteun dé Sarre, éntó Ah, le fenne tro saye.

Annexe

Numéró 4 – Marts 2012

(patoué dé Bretsón)

Vouélà le cattro compagnèi téatrale qu'i vo propozon otrétàn épizode, pré di piése résità ou lon dou Printemps théâtral 2011.

I son o Tracachemèn dé Cogne, qué prézénta Cogne te nou sembie dzenta, di Le-z-Ami dou patoué dé Nus, éntó La Corrida, da compagnà Le Armanac de Féic dé Fénis, éntó La fèi que l'ie miouc frenic a l'enfil, é di Tan Pe Ri-Ye dé Saint-Marcel, éntó An dzornoù défienta.

Annexe

Numéró 5 - Avrì 2012

(patouè de Antey-Saint-André)

Vouèlà lé compagnì téatrale protagoniste dé seutta édichón.

- Le Beurt et Boun dé Pollèn, avoué Que trimadzo;

- Lo Trèn dé Véèye, avoué Lé-z-ame én pin-a;

- Le Falabrac dé Bretchón, avoué Teut ou récomintsa é ren ou tchandja;

- Le Gantaléi dé Vogrezentse, avoué Tchappa lo tren é te va llouèn (é l'avión pe le voyadzo pi lon.)

Annexe

  • Euntroduchón

    Documàn pdf (2 103 KByte)

  • Le Beurt et Boun

    Que trimadzo

    Documàn pdf (2 103 KByte)

  • Lo Trèn

    Lé-z-ame én pin-a

    Documàn pdf (1 914 KByte)

  • Le Falabrac

    Teut ou récomintsa é ren ou tchandja

    Documàn pdf (2 250 KByte)

  • Le Gantaléi

    Tchappa lo tren é te va llouèn

    Documàn pdf (2 153 KByte)

Numéró 6 - Mai 2012

(patoué dé Bretsón)

Vouélà le compagnèi dé téatro dou dérì numéró da colètsión :

- La Compagnì di Teuille dé Morgex éntó La méijón di heuccro ;

- La Bétise d'Aymavilles, éntó Blantset, réalitó ou fantazì ? ;

- Le Digourdì de Charvensod, éntó La vatse de l'universitoù ;

- La Compagni dou Beufet d'Arnad, éntó Lo ladre é lo monumèn.

Annexe