Tsertsa

Dichonéo

Contenù di site

Multimédià

Teste eun patoué

Documàn

Lo francoprovensal i buró

Formachón eunterréjonala Val d'Outa - Piémón

(patoué de Tsaensoù)
La cougnissanse d'an lenva minoritéra pou, deun caque doméne, rendre pi fasillo le rappoo euntre le dzi. Deun lo doméne de la campagne, pe ézeumplo, la cougnissanse di patoué l'è utilla pe avèi de bon-e relachón de traaille. Prèdjì patoué permé d'approtchì lo pebleuque i servicho que l'aministrachón baille é ren pi compréansiblo lo langadzo burocrateucco.


Eungn'évidanse

Repondre a eunna plente

Comprende lo probléma - Itre euntéréchà i probléma - Repondre de fasón presiza é baillì de splecachón - Dimandé perdón

Playlist

I traille

(patoué de Tsaensoù)Queunse son le paolle que vo rendon pi diffièn envèe le-z-atre candidà ? Deun le lesón de seutta sechón, vo trouade-pi caque bon conseille pe dimoutrì voutra voya de féye é voutro euntéré pe lo traille. Eun pi, vo pouade apprende caque espréchón utile can vo gnouade eun nouo traille.

Prèdjì eun pebleuque

(patoué de Tsaensoù) Comèn eun fé eun discoù ? Quenta l'è la fasón la meuillaouza pe valorizì le ressourse, pe baillì de-z-avì cllèe è deun pocca ten péqué lo pebleuque féyèye todzoo attenchón. Vouèilà totta an séria de lesón que no vo conseillèn pe féye eun discoù eun pebleuque, an regnón é baillì eungn avì avouì cllertoù.

I téléfonne

(patoué de Tsaensoù)Lo téléfonne l'è, san doute, l'eunstremèn pi eumpléyà deun le rappoo de traille. Pi prateucco de eunna lettra, prodouèi eun contà personnel é diret é chouèn permé de rezoudre aprì caque meneutta de conversachón problème urjàn ou complecoù. Deun seutta séchón vo pouade cougnitre comme rendre validda eunna communicachón i téléfonne : repondre é criì, lèichì le messadzo si lo répondeue, bièn eumpléyì eungn eunstremèn piquemì eundispensablo deun la via profechonnella de tcheu le dzoo.

Documàn é réprimende

(patoué de Tsaensoù)Jéré le réprimende é le plente l'è fran eun momàn delecatte i traille. Lo secret pe baillì eun bon servicho l'è fran si lé d'apprende a jéré avouì sussè la dzi que l'è pa satisféta. Deun seutta séchón vo trouade de-z-ézeumplo d'espréchón utille pe repondre i plente, mi étó pe bièn repondre i reprimende.

Deun le llouà pebleuque

(patoué de Tsaensoù)I traille, capitte de fallèi se tramé si lo térritouéo. Vouéilà, deun si caro, caque conseille pe mioù vequèire de momàn de la via de tcheu le dzoo i traille ou can eun se trame pe traille : dimandé de-z-eunfourmachón, commandé i restoràn, dimandé lo contcho, féye le commechón.

Si site permè de vo mandér d'atre «cookies» (témouèn de connéchón). Se vo asétade l'utilizachón di «cookies» cliccade su OK, se vo vouléde pi d'eunformachón ou vo vouléde refezé, alléde a la padze di-z-eunformachón.

Padze d'eunformachón