(patoué dé Bretsón)
Apré a dérira éditsión record qu'a l'a vu partésipé 4200 ehcoyé, eunna espozitsión é Saint-Nicolas dou 7 dé jeyet ou 2 dé sétémbro 2012 sélébrérat ou dumì siécle dou Concours Cerlogne.
Tsou concours pé y ehcole, organizà pé l'Assessorà dé l'éducatsión é queulteurra da Réjón otonomma Val d'Ohta én collaboratsión to o Centre d'Etudes Francoprovençales René Willien dé Saint-Nicolas, l'a comme objetif réprénde, valorizé é diffuzé o patoué é, a modé dou 1963, l'a beuttà énsémbio dé meulle minà dé y ehcole valdoténe, ma co da Savouè, dou Valais, di val dou Piémont é di Pouilles.
O Musée Cerlogne dé Saint-Nicolas, sarà pochébio chovre le 50 an dé attévétà a travers le travai feut pé y ehcole : di premì cayér i vidéo dou djor dé ouèi, di dessèn i travayón feut a man, di fotografì a y album. Eunna espozitsión qu'a documénta é a fèi comprénde a vétalétà é a créatévétà di minà é qué, a travers o patoué, a couénta dé tchoze éntéressante a propó da sivilizatsión dé montagna.
07/07/2012 - 02/09/2012
MUSEE CERLOGNE
SAINT-NICOLAS
Orére : dou Demarts a Dumindje 15h00 - 19h00
Intrà libbra
Inauguratsión o 6 dé jeyet 2012 a 21h00