(patoué de Tsaensoù)
Pe prédjì an lenva noua n'a pa fata d'itre plen eun jénì. Pe se féye comprende ou comprende l'é suffizàn volèi se prédjì é pa èi pouiye de féye eunna beurta fegueua. Fa pa se tracachì se vo èide oublià sen que mammagràn ou pappagràn l'an apprèi-vo ou se vo èide jamì prédjà lo patoué !
No vo prézèntèn avouì seutta sechón eun poueun de partensa pe possèi eumpléyì lo patoué deun la via de tcheu le dzor : pe ézeumplo comèn prédjì i téléfonne ou bièn comèn atsetì dedeun an bouteucca an juppa ou bièn comèn splequì i medeseun que sade maladdo.
Vo trouade pi de-z-eunstrumèn pe possèi la icriye, eungn eumpléyèn lo sistème de grafia que lo Guetset leungueusteucco conteugne a féye évoluèi, é pe mèilleriì la lenva a traè l'uzadzo de fasón de diye ou de mot pi djeusto deun le diffiente situachón é pa miicllà avouì d'atre lenve.
(patoué dé Bretsón)
Pé cogniche co mièi éncorra a lénga, vejeteu acheu...
- a sétsión Queulteurra dou qu'i poeu troé a léttérateurra ehcreutta, éntó un récouèi di pi béle padje én patoué, é a léttérateurra orala, dou qu'i l'an ichtà tserdù le couénte é le deut qu'i no aruon di nohtre vièi;
- a sétsión Fiche tématécque dou Glossère én légna;
- a sétsión Concours Cerlogne: poeu troé le matériél feut pé le parcours d'animatsión (tchantsón é teste).
